ۆلاديمير زەلەنسكيي ۋكراينا ءوزىنىڭ قاتىسۋىنسىز جاسالعان بەيبىت كەلىسىمدەرگە كەلىسپەيتىنىن ايتتى، دەپ جازادى Dalanews.kz.
ۋكراينا پرەزيدەنتى ۆلاديمير زەلەنسكيي ميۋنحەندەگى قاۋىپسىزدىك كونفەرەنسياسىندا سويلەگەن سوزىندە ۆلاديمير ءپۋتيننىڭ اقش-پەن جەكە كەلىسسوزدەر جۇرگىزگىسى كەلەتىنىن ايتتى، دەپ جازادى "ربك-ۋكراينا".
"ۋكراينا ءوزىنىڭ قاتىسۋىنسىز تاسادا جاسالعان مامىلەلەرگە ەشقاشان كەلىسپەيدى. ءدال وسىنداي ەرەجە بۇكىل ەۋروپا ءۇشىن قولدانىلۋى كەرەك. ۋكرايناسىز ۋكراينا تۋرالى شەشىم جوق. ەۋروپاسىز ەۋروپا تۋرالى شەشىم جوق. ەۋروپا تۋرالى شەشىم قابىلدانعان كەزدە ەۋروپاعا ۇستەل باسىندا ورىن بولۋى كەرەك"، - دەدى ول.
ونىڭ ايتۋىنشا، ۋكراينا مەن ەۋروپاسىز مامىلە جاسالعان جاعدايدا "ءبارى ۇتىلادى". سونداي-اق زەلەنسكيي ءپۋتيننىڭ اقش-پەن ۋكراينا مەن ەۋروپانىڭ قاتىسۋىنسىز كەلىسسوزدەر جۇرگىزۋگە تىرىسىپ جاتقانىن ايتتى.
"سودان كەيىن نە بولادى دەيسىزدەر مە؟ پۋتين اقش پرەزيدەنتىن وسى جىلدىڭ 9 مامىرىندا قىزىل الاڭدا تۇراتىنداي ەتۋگە تىرىسادى. قۇرمەتتى كوشباسشى رەتىندە ەمەس، ونىڭ ءوز قويىلىمىنداعى رەكۆيزيتى ىسپەتتى. بىزگە بۇل قاجەت ەمەس. بىزگە ناعىز جەتىستىك كەرەك. شىنايى بەيبىتشىلىك كەرەك"، - دەدى زەلەنسكيي.
سونىمەن قاتار، زەلەنسكيي ۋكراينا وداقتاستارىمەن بىرگە ۆلاديمير ءپۋتيندى توقتاتۋ ءۇشىن قاۋىپسىزدىك كەپىلدىگىن دايىنداۋى كەرەك ەكەنىن اتاپ ءوتتى.
"كەلىسىم ءبىزسىز بولا المايدى. ەگەر بىزدە بۇگىن سونداي جالپى جوسپار بولماسا، وندا مەنىڭ ويىمشا، اقش-تا دا ونداي جوسپار جوق. ال ەگەر ولاردىڭ قولدارىندا بىردەڭە بولسا، ول بىزگە قاتىستى ەمەس ەكەنى ايان، ءبىراق ءبىز مۇندايدى قالامايمىز"، - دەدى زەلەنسكيي.
سونىمەن قاتار، زەلەنسكيي ۋكرايناداعى سايلاۋعا دا توقتالدى. ونىڭ ايتۋىنشا، ۋكرايندار اسكەري جاعدايدىڭ جويىلۋ قاۋپىنە بايلانىستى سايلاۋ وتكىزۋدى قالامايدى.
"مەن سايلاۋ تۋرالى ءسوز قوزعاۋعا دايىنمىن. ۋكرايندىقتار سايلاۋدى مۇلدەم قالامايدى، ەگەر سايلاۋ بولسا، ءبىز سوعىس جاعدايىنان ايىرىلىپ قالامىز با دەپ قورقامىز، ساربازدار ۇيگە ورالسا، پۋتين بۇكىل اۋماققا باس سالماي ما؟ ءقازىر بىزدە موبيليزاسيا بار، ءبىرتۇتاس ورگانيزم، ءبىرتۇتاس ەلىمىز بار، سوندىقتان بولاشاقتا بۇل وتە ماڭىزدى"، - دەدى زەلەنسكيي.
ايتا كەتسەك، 12 اقپاندا اقش پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. كرەمل كەلىسسوزدەردىڭ بولعاندىعى تۋرالى فاكتىنى راستادى جانە پۋتين ترامپتى ماسكەۋگە شاقىرعانىن حابارلادى.
رەسەي فەدەراسياسىنىڭ باسشىسىمەن سويلەسكەننەن كەيىن ترامپ ۋكراينا پرەزيدەنتى ۆلاديمير زەلەنسكييگە قوڭىراۋ شالدى. زەلەنسكييدىڭ ايتۋىنشا، ترامپ پۋتينمەن ارادا بولعان اڭگىمەمەن بولىسكەن. زەلەنسكييمەن سويلەسكەننەن كەيىن ترامپ ۋكراينا باسشىسى پۋتين سياقتى بەيبىتشىلىك ورناتقىسى كەلەتىنىن ايتتى.
سونداي-اق، پۋتين مەن ترامپتىڭ كەزدەسۋى ساۋد ارابياسىندا بولۋى مۇمكىن ەكەندىگى تۋرالى حابارلاندى. سونىمەن بىرگە، اراب ەلى كەزدەسۋدى ۇيىمداستىرۋعا دايىن ەكەنىن ءبىلدىردى.
ال ءبىر كۇن بۇرىن ميۋنحەندە قاۋىپسىزدىك كونفەرەنسياسى باستالدى، ونداعى باستى ماسەلە اقش پرەزيدەنتى دونالد ترامپ جاريالاعان ۋكرايناداعى سوعىستىڭ اياقتالۋى تۋرالى كەلىسسوزدەردىڭ جۇرگىزىلۋ ىقتيمالدىلىعى بولدى. كونفەرەنسيا بارىسىندا زەلەنسكيي پۋتينمەن كەزدەسۋگە دايىن بولاتىن جاعدايدى اتادى. سونىمەن قاتار، The Washington POS ءتىلشىسى ۆلاديمير زەلەنسكيي ۋكراينا ءۇشىن كەپىلدىكتىڭ بولماۋىنا بايلانىستى اقش-پەن مەتالدارعا قاتىستى كەلىسىمگە قول قويماعانىن ايتتى. بۇگىن زەلەنسكيي "ەۋروپانىڭ قارۋلى كۇشتەرىن" قۇرۋدى ۇسىندى.
