Kiev bir shartpen, iaǵni Resei áskerin shyǵaryp, Ýkrainanyń aýmaqtyq tutastyǵyn qurmettese, Máskeýmen erteń-aq kelissózderdi bastaýǵa daiyn. Bul týraly Vladimir Zelenskii Shveitsariiadaǵy beibitshilik sammitiniń qorytyndysy boiynsha ótken baspasóz máslihatynda málimdedi, - dep habarlaidy Dalanews.kz.
"Resei bizdiń aýmaǵymyzdan shyqsa, eshteńeni kútpei erteń-aq bizben kelissózder júrgize alady. Bul - BUU Jarǵysyna qurmet", - dedi Zelenskii.
Ol Reseidiń kelesi beibitshilik sammitine qatysýy "olardyń beibitshilikti qalaitynyn jáne soǵysty aiaqtaýǵa daiyn" ekenin bildiretinin aitty.
"Ol muny ózi qalai ma, álde ony álemdik qaýymdastyq májbúrlei me, bul biz úshin mańyzdy emes. Biz úshin mańyzdysy nátije - soǵystyń aiaqtalýy jáne beibitshilik", - dedi Zelenskii.
Onyń aitýynsha, Ýkraina keibir eldermen ekinshi beibitshilik sammitin ótkizý týraly kelissózder júrgizip jatyr, oǵan daiyndyq birneshe jyl emes, birneshe aiǵa sozylady.
Sondai-aq, ol kóptegen el Resei ókilderin qazirgi sammitke tartqysy keletinin, biraq keibireýleri olarmen tipti bailanysqysy kelmeitinin aitty.
Ýkraina boiynsha beibitshilik sammiti 15-16 maýsym aralyǵynda Shveitsariiada ótti. Oǵan 160-tan asa el shaqyryldy, biraq ishinara tanylǵan Kosovony qosqanda 92-si ǵana qatysty. Resei konferentsiiaǵa shaqyrylmady.
Sammit qarsańynda Resei prezidenti Vladimir Pýtin eger Ýkraina áskeri DHR, LHR, Herson jáne Zaporoje oblystarynan tolyǵymen shyǵarylsa, sondai-aq, Ýkraina NATO-ǵa múshelikten bas tartsa, Máskeý qaqtyǵysty toqtatýǵa daiyn ekenin aitty.
