Dál osy kúni 2014 jyly Simferopolde qyrym tatarlarynyń mitingi ótti. Olar túbekti anneksiialaýdyń bastalýyna qarsy shyqty. Qyrymnyń Reseige qosylýyn qoldaityndar olarǵa qarsy boldy. Qaqtyǵys saldarynan eki adam qaza taýyp, birneshe adam jaralandy. Kelesi kúni jergilikti parlament Reseige qosylý týraly referendým ótetinin jariialady.
Kreml ókili Dmitrii Peskov Ýkraina prezidenti Vladimir Zelenskii jarlyǵy «qyrymdyqtardyń Reseige qosylý týraly sheshiminiń shynaiy jaǵdaiy men sebebin sipattamaidy» dep málimdedi.
Bunyń aldynda, 26 aqpanda, Kievte Age of Crimea forýmynda sóilegen Zelenskii anneksiialanǵan Qyrym máselesi kún tártibinen túspeitinin, «ony Donbastaǵy beibitshilikke» aiyrbastamaitynyn málimdegen.
Qyrym tatarlarynyń jetekshisi Mustafa Jemilev túbektegi jergilikti turǵyndardyń quqyqtary buzylyp jatqanyn aitty. Ol taraptardy halyqaralyq zańdardy saqtaýǵa shaqyrdy. Jemilevtiń pikirinshe, Resei Qyrymnan áskerin shyǵaryp, shyǵyndy tólep, agressiiaǵa kinálilerdi jazalaýy tiis.
Resei Qyrymdy 2014 jyly ótken referendým qorytyndysy negizinde anneksiialady. Referendým ótkizý Ýkraina zańdaryna qaishy keldi. Qyrym anneksiialanǵan soń AQSh pen Eýroodaq Reseige qatysty sanktsiia engizdi. Máskeý túbektiń Reseige qosylýyn «tarihi ádilet ústemdigi» dep esepteidi.
