دەل وسى كٷنٸ 2014 جىلى سيمفەروپولدە قىرىم تاتارلارىنىڭ ميتينگٸ ٶتتٸ. ولار تٷبەكتٸ اننەكسييالاۋدىڭ باستالۋىنا قارسى شىقتى. قىرىمنىڭ رەسەيگە قوسىلۋىن قولدايتىندار ولارعا قارسى بولدى. قاقتىعىس سالدارىنان ەكٸ ادام قازا تاۋىپ, بٸرنەشە ادام جارالاندى. كەلەسٸ كٷنٸ جەرگٸلٸكتٸ پارلامەنت رەسەيگە قوسىلۋ تۋرالى رەفەرەندۋم ٶتەتٸنٸن جارييالادى.
كرەمل ٶكٸلٸ دميتريي پەسكوۆ ۋكراينا پرەزيدەنتٸ ۆلاديمير زەلەنسكيي جارلىعى «قىرىمدىقتاردىڭ رەسەيگە قوسىلۋ تۋرالى شەشٸمٸنٸڭ شىنايى جاعدايى مەن سەبەبٸن سيپاتتامايدى» دەپ مەلٸمدەدٸ.
بۇنىڭ الدىندا, 26 اقپاندا, كيەۆتە Age of Crimea فورۋمىندا سٶيلەگەن زەلەنسكيي اننەكسييالانعان قىرىم مەسەلەسٸ كٷن تەرتٸبٸنەن تٷسپەيتٸنٸن, «ونى دونباستاعى بەيبٸتشٸلٸككە» ايىرباستامايتىنىن مەلٸمدەگەن.
قىرىم تاتارلارىنىڭ جەتەكشٸسٸ مۇستافا جەميلەۆ تٷبەكتەگٸ جەرگٸلٸكتٸ تۇرعىنداردىڭ قۇقىقتارى بۇزىلىپ جاتقانىن ايتتى. ول تاراپتاردى حالىقارالىق زاڭداردى ساقتاۋعا شاقىردى. جەميلەۆتٸڭ پٸكٸرٸنشە, رەسەي قىرىمنان ەسكەرٸن شىعارىپ, شىعىندى تٶلەپ, اگرەسسيياعا كٸنەلٸلەردٸ جازالاۋى تيٸس.
رەسەي قىرىمدى 2014 جىلى ٶتكەن رەفەرەندۋم قورىتىندىسى نەگٸزٸندە اننەكسييالادى. رەفەرەندۋم ٶتكٸزۋ ۋكراينا زاڭدارىنا قايشى كەلدٸ. قىرىم اننەكسييالانعان سوڭ اقش پەن ەۋرووداق رەسەيگە قاتىستى سانكتسييا ەنگٸزدٸ. مەسكەۋ تٷبەكتٸڭ رەسەيگە قوسىلۋىن «تاريحي ەدٸلەت ٷستەمدٸگٸ» دەپ ەسەپتەيدٸ.
