Jaqyn kúnderi Ýkraina prezidenti Vladimir Zelenskii qazaqstandyq basylymdarǵa suhbat beretini týraly aqparat tarady, - dep habarlaidy Dalanews.kz.
Telegram-arnalar málimetine súiensek, bul - qazaqstandyq Orda.kz jáne Vlast.kz basylymdary.
Ýkraina prezidenti nelikten qazaqstandyq jýrnalisterge suhbat berýdi uiǵarǵany belgisiz. Degenmen Zelenskii Ýkraina basshysy qyzmetine kelgennen keiin de, Reseimen arada shielenis bastalǵan soń da iri sheteldik basylymdarǵa suhbat berip júr.
Aita keteiik, Zelenskiidiń memleket basshysy retindegi ókilettik merzimi resmi túrde biyl 20 mamyrda aiaqtaldy, biraq eldegi áskeri jaǵdaiǵa bailanysty onyń ókilettigi avtomatty túrde uzartyldy.
Buǵan deiin BUU ókili Stefan Diýjarrik Zelenskii BUU úshin Ýkrainanyń kóshbasshysy bolyp qala beredi dep málimdedi.
Vladimir Zelenskii 2019 jyly Ýkrainanyń prezidenti bolyp sailandy, sol jyly 20 mamyrda ol qyzmetke kiristi. Ol bes jyl merzimge sailandy, sailaý 2024 jyldyń naýryzynda ótýi kerek edi. Alaida eldiń Konstitýtsiiasyna sáikes áskeri jaǵdaida ótkizýge tyiym salynady.
