زەلەنسكيي قازاقستاندىق باسىلىمدارعا سۇحبات بەرمەك

ساعىنىش سارداروۆا 23 مام. 2024 14:45 1940

جاقىن كۇندەرى ۋكراينا پرەزيدەنتى ۆلاديمير زەلەنسكيي قازاقستاندىق باسىلىمدارعا سۇحبات بەرەتىنى تۋرالى اقپارات تارادى، - دەپ حابارلايدى Dalanews.kz.

Telegram-ارنالار مالىمەتىنە سۇيەنسەك، بۇل - قازاقستاندىق Orda.kz جانە Vlast.kz باسىلىمدارى.

ۋكراينا پرەزيدەنتى نەلىكتەن قازاقستاندىق جۋرناليستەرگە سۇحبات بەرۋدى ۇيعارعانى بەلگىسىز. دەگەنمەن زەلەنسكيي ۋكراينا باسشىسى قىزمەتىنە كەلگەننەن كەيىن دە، رەسەيمەن ارادا شيەلەنىس باستالعان سوڭ دا ءىرى شەتەلدىك باسىلىمدارعا سۇحبات بەرىپ ءجۇر.

ايتا كەتەيىك، زەلەنسكييدىڭ مەملەكەت باسشىسى رەتىندەگى وكىلەتتىك مەرزىمى رەسمي تۇردە بيىل 20 مامىردا اياقتالدى، ءبىراق ەلدەگى اسكەري جاعدايعا بايلانىستى ونىڭ وكىلەتتىگى اۆتوماتتى تۇردە ۇزارتىلدى.

بۇعان دەيىن بۇۇ وكىلى ستەفان ديۋجارريك زەلەنسكيي بۇۇ ءۇشىن ۋكراينانىڭ كوشباسشىسى بولىپ قالا بەرەدى دەپ مالىمدەدى.

ۆلاديمير زەلەنسكيي 2019 جىلى ۋكراينانىڭ پرەزيدەنتى بولىپ سايلاندى، سول جىلى 20 مامىردا ول قىزمەتكە كىرىستى. ول بەس جىل مەرزىمگە سايلاندى، سايلاۋ 2024 جىلدىڭ ناۋرىزىندا ءوتۋى كەرەك ەدى. الايدا ەلدىڭ كونستيتۋسياسىنا سايكەس اسكەري جاعدايدا وتكىزۋگە تىيىم سالىنادى.


ۇسىنىلعان
سوڭعى جاڭالىقتار