Qazaqstandyqtar zeinetaqy jinaqtaryn tek saqtap qana qoimai, ony investitsiialaý arqyly qosymsha tabys taba alady. Bul týraly sarapshy Ekaterina Sohareva aityp berdi, dep habarlaidy dalanews.kz.
Onyń aitýynsha, qazaqstandyqtardyń zeinetaqy aktivterin ádepki boiynsha Ulttyq bank basqarady. Alaida salymshylar jinaqtarynyń bir bóligin jeke investitsiialyq portfeldi basqarýshylarǵa bere alady.
Sarapshynyń sózinshe, azamattar esepshottaǵy qarajat kólemine qaramastan, zeinetaqy jinaǵynyń 50%-yna deiin jeke basqarýshy kompaniialarǵa aýdarýǵa quqyly.
Qai kompaniia kóbirek tabys tapty?
Ekaterina Sohareva sońǵy bir jyldaǵy investitsiialyq kiristilik kórsetkishteri basqarýshy kompaniiany tańdaýǵa áser etýi múmkin ekenin aitady.
Qazirgi kórsetkishterge sáikes:
– Ulttyq bank – 8,57%
– BCC Invest – 8,91%
– Halyk Finance – 10,71%
– Alatau City Invest – 12,59%
– Sentras Sekiýritiz – 17,6%
Sarapshynyń málimetinshe, qazirgi tańda Halyk Global Markets qyzmetin toqtatý kezeńinde bolsa, Tansar Capital naryqtaǵy jańa oiynshylardyń biri sanalady.
Zeinetaqy jinaǵyn basqarýshy kompaniiaǵa qalai aýdarýǵa bolady
Soharevanyń aitýynsha, jinaqty jeke basqarýshy kompaniialarǵa aýdarý úshin BJZQ saityna nemese mobildi qosymshasyna kirý qajet.
Odan keiin «Jinaqtardy IPB-ǵa aýdarý nemese QR UB-ǵa qaitarý» qyzmetin tańdap, qajetti kompaniiany, aýdarylatyn somany kórsetý jáne ótinimdi rastaý jetkilikti.
Sarapshynyń aitýynsha, salymshylar qarajatty birneshe basqarýshy arasynda bólip, óz investitsiialyq strategiiasyna sai ártaraptandyrý múmkindigine ie.
Ol bul tásil zeinetaqy aktivterin ártúrli strategiialar arqyly basqarýǵa múmkindik beretinin atap ótti.
