Áleýmettik jelilerde Tashkent oblysynda erli-zaiyptynyń úilený toiynan keiingi kúni qaitys bolǵany týraly aqparat tarady, dep habarlaidy dalanews.kz.
Jelide taraǵan málimetke sáikes, Pskent aýdanynda jas jubailar gazdan ýlanyp kóz jumǵan.
Ózbekstan Bas prokýratýrasynyń baspasóz qyzmeti 15 jeltoqsanda Pskent aýdanyndaǵy "Birlik" mahallasynda birge turǵan 1995 jyly týǵan er adam men 1997 jyly týǵan áieldiń qaitys bolǵanyn habarlady.
Tergeýge deiingi tekserý aiasynda sot-meditsinalyq saraptama taǵaiyndaldy. Aldyn ala qorytyndy boiynsha, olardyń ólimine belgisiz zattan ýlaný sebep bolǵan.
Qazirgi ýaqytta Pskent aýdandyq prokýratýrasy tergeýge deiingi tekserýdi jalǵastyryp jatyr.
