450 myńǵa jýyq bala mektepke daiyndalýǵa kómek alady, dep habarlaidy dalanews.kz.
1 tamyzdan 30 qyrkúiekke deiin Jalpyǵa mindetti bilim berý qory aiasynda áleýmettik osal sanattaǵy balalarǵa mektep formasyn, aiaq kiim men mektep quraldaryn satyp alýǵa kómek kórsetiledi.
2026-2027 oqý jyly qarsańynda 450 myńǵa jýyq bala qoldaýmen qamtylady. Osy maqsattarǵa jergilikti biýdjetterde 23 mlrd teńgege jýyq qarajat qarastyrylǵan.
Kómektiń eń tómengi mólsheri - bir balaǵa 50 851 teńge. Bul ótken jylmen salystyrǵanda 10 paiyzǵa artyq. Jergilikti biýdjettiń múmkindikterine qarai keibir óńirlerde tólem mólsheri joǵary bolýy múmkin.
Kómek jetim balalar men ata-anasynyń qamqorlyǵynsyz qalǵan balalarǵa, az qamtylǵan otbasylardan shyqqan oqýshylarǵa, ataýly áleýmettik kómek alatyn otbasylardyń balalaryna, sondai-aq, qiyn jaǵdaiǵa tap bolǵan balalarǵa beriledi.
Tólemdi alý úshin ata-analar nemese zańdy ókilder tiisti qujattardy bilim berý uiymyna tapsyrýy qajet.
