450 مىڭعا جۋىق بالا مەكتەپكە دايىندالۋعا كٶمەك الادى, دەپ حابارلايدى dalanews.kz.
1 تامىزدان 30 قىركٷيەككە دەيٸن جالپىعا مٸندەتتٸ بٸلٸم بەرۋ قورى اياسىندا ەلەۋمەتتٸك وسال ساناتتاعى بالالارعا مەكتەپ فورماسىن, اياق كيٸم مەن مەكتەپ قۇرالدارىن ساتىپ الۋعا كٶمەك كٶرسەتٸلەدٸ.
2026-2027 وقۋ جىلى قارساڭىندا 450 مىڭعا جۋىق بالا قولداۋمەن قامتىلادى. وسى ماقساتتارعا جەرگٸلٸكتٸ بيۋدجەتتەردە 23 ملرد تەڭگەگە جۋىق قاراجات قاراستىرىلعان.
كٶمەكتٸڭ ەڭ تٶمەنگٸ مٶلشەرٸ - بٸر بالاعا 50 851 تەڭگە. بۇل ٶتكەن جىلمەن سالىستىرعاندا 10 پايىزعا ارتىق. جەرگٸلٸكتٸ بيۋدجەتتٸڭ مٷمكٸندٸكتەرٸنە قاراي كەيبٸر ٶڭٸرلەردە تٶلەم مٶلشەرٸ جوعارى بولۋى مٷمكٸن.
كٶمەك جەتٸم بالالار مەن اتا-اناسىنىڭ قامقورلىعىنسىز قالعان بالالارعا, از قامتىلعان وتباسىلاردان شىققان وقۋشىلارعا, اتاۋلى ەلەۋمەتتٸك كٶمەك الاتىن وتباسىلاردىڭ بالالارىنا, سونداي-اق, قيىن جاعدايعا تاپ بولعان بالالارعا بەرٸلەدٸ.
تٶلەمدٸ الۋ ٷشٸن اتا-انالار نەمەسە زاڭدى ٶكٸلدەر تيٸستٸ قۇجاتتاردى بٸلٸم بەرۋ ۇيىمىنا تاپسىرۋى قاجەت.
