"Zańsyzdyqqa kýá boldym...". Ministr Mýsin HQKO basshysyn jumystan qýdy
"Tiisti komissiia sheshim qabyldaidy. Ministr retinde "Azamattarǵa arnalǵan úkimetke", iaǵni osy protsestermen ainalysatyn kompaniiaǵa barlyq qajetti sharalardy qabyldaýǵa keńes berdim. Eksperimenttik tekserýmen ózim barǵan mamandandyrylǵan halyqqa qyzmet kórsetý ortalyǵynyń basshysy jumystan bosatylyp, jańa qyzmetker taǵaiyndaldy", - dedi Mýsin Senatta tilshiler saýalyna jaýap bere otyryp.
Osy oraida ol mamandandyrylǵan HQKO-lardaǵy osy tektes zańsyzdyqtarǵa aldaǵy ýaqytta da tosqaýyl qoiylatynyn aitty.
"Biz memlekettik qyzmetti jyldam formatta jáne jemqorlyq jaǵdaiyna jol bermeitin qadamdarmen usynýymyz kerek. Zańnamadaǵy protsester qatań oryndalýy kerek. Ol úshin tehnologiialyq innovatsiialardy engizemiz, iaǵni biometriia men emtihan tapsyrýshyny baiqap otyratyn tehnologiialar eskeriledi", - dedi ministr.
Budan buryn Tsifrlyq damý, innovatsiialar jáne aeroǵarysh ónerkásibi ministri Nur-Cultandaǵy HQKO-ǵa baryp, adamdardyń júrgizýshi kýáligine emtihan tapsyrmai-aq alǵanyn óz kózimen kórgenin aitqan. Osydan soń elimizde júrgizýshi kýáligin alý talaptary qatańdatylatyny habarlanǵan.
Derekkóz: Stan.kz
