Oljas Bektenov Zańsyz iemdenilgen aktivterdi memleketke qaitarý jónindegi komissiianyń otyrysyn ótkizdi, dep habarlaidy Dalanews.kz.
Buǵan deiin qabyldanǵan sheshimderdiń oryndalý nátijeleri qaralyp, Qaitarylǵan aktivterdi basqarý kompaniiasynyń jumysy týraly esep tyńdaldy. Shamamen 610 mlrd teńgeniń aktivteri, atap aitqanda, 506 mlrd teńge kóleminde aqshalai qarajat, sondai-aq quny 103 mlrd teńgeden astam múlik qaitaryldy. Arnaýly memlekettik qordan bilim berý, densaýlyq saqtaý, sport, áleýmettik qamsyzdandyrý salalaryndaǵy 280 áleýmettik nysandy júzege asyrýǵa, sondai-aq kommýnaldyq infraqurylymdy jańǵyrtýǵa qarajat bólindi.
Kezekti otyrys qorytyndysy boiynsha Komissiia zańsyz iemdenilgen aktivterdi memleketke erikti túrde qaitarý týraly birqatar kelisim jasaýdy maquldady. Arnaýly memlekettik qorǵa qosymsha 150 mlrd teńge baǵyttalady. Sonymen qatar «Zańsyz iemdenilgen aktivterdi memleketke qaitarý týraly» Zań sýbektileri Qazaqstan ekonomikasyna $10,5 mlrd investitsiia salý boiynsha mindetteme aldy.
Sonymen qatar Komissiia «Zańsyz iemdenilgen aktivterdi memleketke qaitarý týraly» QR Zańynyń kúshi qoldanylatyn tulǵalarǵa qatysty jalpy somasy 84 mlrd teńgeden astam aktivterdi memleket kirisine ainaldyrý týraly sotqa talap-aryz berýdi qoldady.
