ولجاس بەكتەنوۆ زاڭسىز يەمدەنىلگەن اكتيۆتەردى مەملەكەتكە قايتارۋ جونىندەگى كوميسسيانىڭ وتىرىسىن وتكىزدى، دەپ حابارلايدى Dalanews.kz.
بۇعان دەيىن قابىلدانعان شەشىمدەردىڭ ورىندالۋ ناتيجەلەرى قارالىپ، قايتارىلعان اكتيۆتەردى باسقارۋ كومپانياسىنىڭ جۇمىسى تۋرالى ەسەپ تىڭدالدى. شامامەن 610 ملرد تەڭگەنىڭ اكتيۆتەرى، اتاپ ايتقاندا، 506 ملرد تەڭگە كولەمىندە اقشالاي قاراجات، سونداي-اق قۇنى 103 ملرد تەڭگەدەن استام مۇلىك قايتارىلدى. ارناۋلى مەملەكەتتىك قوردان ءبىلىم بەرۋ، دەنساۋلىق ساقتاۋ، سپورت، الەۋمەتتىك قامسىزداندىرۋ سالالارىنداعى 280 الەۋمەتتىك نىساندى جۇزەگە اسىرۋعا، سونداي-اق كوممۋنالدىق ينفراقۇرىلىمدى جاڭعىرتۋعا قاراجات ءبولىندى.
كەزەكتى وتىرىس قورىتىندىسى بويىنشا كوميسسيا زاڭسىز يەمدەنىلگەن اكتيۆتەردى مەملەكەتكە ەرىكتى تۇردە قايتارۋ تۋرالى ءبىرقاتار كەلىسىم جاساۋدى ماقۇلدادى. ارناۋلى مەملەكەتتىك قورعا قوسىمشا 150 ملرد تەڭگە باعىتتالادى. سونىمەن قاتار «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ سۋبەكتىلەرى قازاقستان ەكونوميكاسىنا $10،5 ملرد ينۆەستيسيا سالۋ بويىنشا مىندەتتەمە الدى.
سونىمەن قاتار كوميسسيا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» ق ر زاڭىنىڭ كۇشى قولدانىلاتىن تۇلعالارعا قاتىستى جالپى سوماسى 84 ملرد تەڭگەدەن استام اكتيۆتەردى مەملەكەت كىرىسىنە اينالدىرۋ تۋرالى سوتقا تالاپ-ارىز بەرۋدى قولدادى.
