Burynǵy prezidenttiń inisi Bolat Nazarbaevtyń Maira Qurmanǵalievadan týǵan ulyna aiyppul salyndy, dep habarlady Dalanews.kz.
22 jastaǵy Hanbolat Nazarbaev Astanada zańsyz qurylys júrgizgeni úshin nazarǵa ilingen. Elordadaǵy Táýelsizdik dańǵyly boiynan saýda oiyn-saýyq ortalyǵyn turǵyzbaq bolǵan. Al bul jerde buǵan deiin qonaqúi men meiramhana bolǵan.
BAQ-qa taraǵan derekke qaraǵanda, jer telimi 2020 jyldyń aqpan aiynda, Hanbolattyń týǵan kúninen keiin syiǵa tartý sharty boiynsha berilgen. Ol nysandy salýǵa tiisti ruqsat almai jáne aldyn ala eskertpesten sol jerdegi keshendi buzyp, ornyna saýda ortalyǵyn salýǵa kirisip ketken.
"Jer zańnamasyn jáne sáýlet, qala qurylysy jáne qurylys qyzmeti týraly zańnamany óreskel buzǵany úshin Hanbolat Nazarbaevqa 103 500 teńge kóleminde aiyppul salyndy. Sonymen qatar ol zańsyz nysandy buzýǵa mindetti", - delingen taraǵan aqparatta.
