بۇرىنعى پرەزيدەنتتىڭ ءىنىسى بولات نازاربايەۆتىڭ مايرا قۇرمانعالييەۆادان تۋعان ۇلىنا ايىپپۇل سالىندى، دەپ حابارلادى Dalanews.kz.
22 جاستاعى حانبولات نازاربايەۆ استانادا زاڭسىز قۇرىلىس جۇرگىزگەنى ءۇشىن نازارعا ىلىنگەن. ەلورداداعى تاۋەلسىزدىك داڭعىلى بويىنان ساۋدا ويىن-ساۋىق ورتالىعىن تۇرعىزباق بولعان. ال بۇل جەردە بۇعان دەيىن ءقوناقۇي مەن مەيرامحانا بولعان.
باق-قا تاراعان دەرەككە قاراعاندا، جەر تەلىمى 2020 جىلدىڭ اقپان ايىندا، حانبولاتتىڭ تۋعان كۇنىنەن كەيىن سىيعا تارتۋ شارتى بويىنشا بەرىلگەن. ول نىساندى سالۋعا ءتيىستى رۇقسات الماي جانە الدىن الا ەسكەرتپەستەن سول جەردەگى كەشەندى بۇزىپ، ورنىنا ساۋدا ورتالىعىن سالۋعا كىرىسىپ كەتكەن.
"جەر زاڭناماسىن جانە ساۋلەت، قالا قۇرىلىسى جانە قۇرىلىس قىزمەتى تۋرالى زاڭنامانى ورەسكەل بۇزعانى ءۇشىن حانبولات نازاربايەۆقا 103 500 تەڭگە كولەمىندە ايىپپۇل سالىندى. سونىمەن قاتار ول زاڭسىز نىساندى بۇزۋعا مىندەتتى"، - دەلىنگەن تاراعان اقپاراتتا.
