Qazaqstanda "Astana" halyqaralyq qarjy ortalyǵy (HQOA) aiasynda ǵana kriptovaliýtalardy ainalymǵa shyǵarýǵa ruqsat. Al atalǵan qarjylyq platformadan tys tsifrlyq aktivter operatsiialaryn, sonyń ishinde aiyrbas jasaǵany úshin zańmen jaýapkershilik qarastyrylǵan, dep jazady Dalanews.kz.
Qoldanystaǵy shekteýlerge qaramastan, keibir azamattar HQOA-nyń saityna tirkelmesten, iri somalarǵa aiyrbastaý operatsiialaryn júrgizedi.
"Astanada sot úkimimen eki tulǵa QR QK-niń 214-babymen kináli dep tanylyp, zańsyz kásipkerlik qyzmetpen ainalysqany úshin sottaldy. Jalpy zańsyz aiyrbas ainalymy 7 mlrd teńgeni qurady.Memleket paidasyna sottalǵandardan 7 mlrd teńge kólemindegi zańsyz tabys somasy óndirildi", dep habarlaidy Astana qalalyq prokýratýrasy.
Jalpy, prokýratýra azamattyq sot isin júrgizýde 7,9 mlrd teńge somasynda 4 talap berip, olar sottyń sheshimderimen qanaǵattandyrylyp, jaýapkerlerden keltirilgen zalal somalary tolyq kólemde óndirilgeni de naqtylanady.
Aita ketsek, 2023 jylǵy qańtar – 2024 jylǵy tamyz aralyǵynda AHQO-daǵy 10 kriptobirjasynda, 3 kriptobrokerlerde, 1 kripto basqarýshy 8 qazaqstandyq bank arqyly 704 mln AQSh dollary somasyna operatsiialar júrgizildi. AHQO kriptobirjalaryna 100 myńnan astam klient qatysady, olardyń 90%-y bólshek klientter. Memlekettik kirister komitetiniń málimetinshe, 2023 jyly biýdjetke tsifrlyq aktivter indýstriiasynan shamamen 9 mlrd teńge, 2024 jyldyń birinshi jartyjyldyǵynda tsifrlyq maining indýstriiasynan 3,5 mlrd teńge tústi. Alaida, kriptoaktivterge degen qyzyǵýshylyqtyń artýymen qazaqstandyqtar sheteldik alańdar arqyly saýda men investitsiialarǵa belsendi qatysa bastady. Sarapshylardyń baǵalaýy boiynsha 1,5 millionnan astam qazaqstandyq AHQO iýrisdiktsiiasynan tys kriptoaktivterdiń álemdik ainalymyna tartylǵan. Olardyń kópshiligi, ásirese biliktiligi joq investorlar, hakerlik shabýyldarǵa, alaiaqtyq shemalarǵa jáne jalǵan aktivterdi basqarýǵa tap bolady, bul edáýir qarjylyq shyǵyndarǵa ákelip soǵady.
