Aýqymdy ǵylymi-taldaý qujatyn jasaý qoǵamdyq keńesterdiń damý úrdisterin sipattai otyryp, damýyn taldaýǵa baǵyttalǵan. Qazirgi ýaqytta, 2021 jylǵy zańnamalyq ózgeristerdi taldaý qoǵamdyq keńesterdiń qyzmetindegi Ekonomikalyq yntymaqtastyq jáne damý uiymynyń (EYDU) usynymdaryn kórsetedi.
2021 jyly Qoǵamdyq keńester, ÚEU ókilderiniń, sondai-aq elimizdiń barlyq óńirlerinen kelgen azamattyq belsendilerdiń qatysýymen ulttyq baiandama jobasy boiynsha saraptamalyq talqylaýlar ótti.
Sarapshylar 2021 jyldyń basynda qoǵamdyq keńester týraly Zańǵa qabyldanǵan túzetýlerdiń oń áserin atap ótti, sonyń arqasynda olardyń quqyqtary men ókilettikteri keńeitildi.
Sarapshylarmen qoǵamdyq talqylaý barysynda Aqparat jáne qoǵamdyq damý ministri Aida Balaeva qoǵamdyq keńesterdiń jumysy týraly aqparattyń sapasyn, shynaiylyǵy men obektivtiligin pysyqtaý qajettigine nazar aýdardy.
Ulttyq baiandamaǵa 1200 respondentti qamtityn áleýmettik saýalnama nátijeleri, sondai-aq birqatar qoǵamdyq keńes ókilderimen suhbattar kirdi. Budan basqa, problemalyq aimaqtardy anyqtai otyryp, qoǵamdyq keńester qyzmetiniń quqyqtyq negizderi qaraldy. EYDU usynymdarynyń oryndalýyn taldaý jáne olardy qoǵamdyq keńesterdiń qyzmetinde odan ári tájiribe júzinde qoldaný múmkindigi mańyzdy bólikke ainaldy.
Ulttyq baiandamany Úkimetke, odan ári Memleket basshysyna engizý aǵymdaǵy jylǵy jeltoqsannyń birinshi onkúndigine josparlanyp otyr.
