Marqum Saltanattyń aǵasy, quqyq qorǵaýshy Aitbek Amangeldi bir top buzaqynyń qolynan qaza tapqan Sherzattyń isine qatysty pikir bildirdi, dep habarlaidy Dalanews.kz.
Onyń aitýynsha, istiń egjei-tegjeiin anyqtaý úshin zańgerler toby bilek sybana iske kirisken.
“Sońǵy eki kúnde jábirlenýshilermen jumys istep, qolda bar aqparattardy zerttep shyqtyq. Men zańger emespin. Sol sebepti tergeýge qatysa almaimyn jáne materialdarǵa da qol jetkizý múmkindigim joq. Bul ispen zańgerler ainalysady. Meniń basty mindetim otbasy múddesin qorǵaýǵa baǵyttalǵan. Bunyń tergeýge esh qatysy joq. Sondyqtan isti Astanada júrip-aq, oryndai alamyn.
Qazirgi tańda zańgerler toby tolyq iske kiristi jáne óz mindetterin jaqsy atqaryp jatyr. Eger qosymsha kómek qajet bolsa, alǵashqy kúnnen bailanysqa shyqqan zańgerlerimizdi shaqyra alamyz”, - dedi Aitbek Amangeldi.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy Sherzat Bolat kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ýaqytsha ustaý izoliatoryna qamaýǵa alyndy.
Aita keteiik, 13 qazanda IIM ulttyq ulannyń baspasóz qyzmeti Talǵar qalasy óz baqylaýynda ekenin málim etti.
"Qazirgi ýaqytta Almaty oblysynyń Talǵar qalasynda ishki ister ministrligi ulttyq ulan áskeri bóliminiń jeke quramy qoǵamdyq tártipti qorǵaý úshin patrýldik qyzmetti atqarýǵa tartyldy Qaýipsizdikti qamtamasyz etý jáne qoǵamdyq tártipti saqtaý maqsatynda azamattardy júrgizilip jatqan is-sharalarǵa túsinistikpen qaraýdy suraimyz", – delingen habarlamada.
