Zańger Baǵdat Amandosuly qarjylyq operatsiialarǵa qatysty saq bolýǵa shaqyrdy, dep habarlaidy Dalanews.kz.
Onyń aitýynsha, eger bir ai ishinde 300 myń teńgeden astam qarajatty birneshe adamǵa aýdarsańyz, bul áreketter týraly bank Qarjylyq monitoring agenttigine (QMA) málimet beredi.
– Mundai jaǵdaida agenttik tarapynan "aqsha qaidan keldi?", "kimge aýdardyń?", "ne maqsatpen jiberdiń?", "tabys kóziń qandai jáne ol zańdy ma?" degen suraqtar qoiylady. Sondyqtan mundai saýaldarǵa aldyn ala daiyn bolǵan jón, – deidi zańger.
Sondai-aq, Baǵdat Amandosuly áleýmettik jeliler arqyly taýar satyp, turaqty túrde tabys tabatyndar úshin jeke kásipker retinde tirkelý mindetti ekenin eskertti.
– Sebebi bul – tabys kózi, jáne ol úshin salyq tóleý qajet, – deidi ol.
Al eger aqsha jaqyndaryńyzdan nemese dostaryńyzdan kómek retinde kelse, zań aldynda jaýap bermes úshin muny rastaityn jazbasha túsinikteme daiyndap qoiǵan durys.
– Qarjy ministrligi jýyrda úsh ai ishinde 1 million teńgeden astam qarajat alǵan jeke tulǵalardyń barlyǵyna tekseris júrgiziletinin habarlady. Sondyqtan kóleńkeli tabystan aýlaq bolyp, salyq tóleýdi umytpańyz – sonda ǵana alańsyz uiyqtai alasyz, – dep qorytty zańger.
