Bilim zańnamalaryn buzǵany úshin 12 laýazymdy tulǵaǵa nusqama berilgen. Sondaı-aq, eki mekteptiń lısenzıasy ýaqytsha toqtatylyp, 115 aılyq eseptik kórsetkish kóleminde aıyppul salyndy. Bul týraly Óńirlik komýnıkasıalar ortalyǵynda ótken brıfıńte oblystyq bilim salasynda sapany qamtamasyz etý departamentiniń basshysy Baqytjan Muhamedjanov málimdedi.
– Memlekettik baqylaý sharalaryn oryndaý barysynda josparǵa sáıkes, 2021 jyldyń 1-jartyjyldyǵynda profılaktıkalyq baqylaý júrgizilip, nátıjesinde 30 bilim berý uıymynda kemshilikter anyqtalyp, nusqamalar berildi. Budan ózge, departament tarapypynan QR-nyń «Pedagog mártebesi týraly» zańynyń talaptaryn buzǵan úshin 2 laýazymdy tulǵaǵa shara kórildi. Sondaı-aq, zańnamaǵa sáıkes balalardyń bilim berý uıymdaryndaǵy sabaqqa durys qatysýyn qamtamasyz etpegeni úshin ata-analardy ákimshilik jaýapkershilikke tartý týraly qaýly shyǵyp, 29 170 teńge kóleminde aıyppul salyndy, – dedi Baqytjan Qaljanuly.
Departament tarapynan oblys aýmaǵyndaǵy mektepterde bilim berý uıymymen bekitilgen pedagogıkalyq ádep boıynsha keńestiń qurylmaýy, pedagog-zertteýshilerdiń, pedagog-sheberlerdiń úlesi 35 %-dan kem bolýy syndy derekter anyqtalǵan.
