12 qyrkúiekte Qazaqstannyń birqatar óńirinde qolaisyz aýa raiy kútiledi. Qazgidromet sinoptikteri jańbyr, naizaǵai, burshaq, daýyl, ekpindi jel men qatty ystyqqa bailanysty daýyldy eskertý jariialady, dep habarlaidy dalanews.kz.
Sinoptikterdiń málimetinshe, Aqmola, Soltústik Qazaqstan, Qostanai, Qaraǵandy, Ulytaý, Aqtóbe jáne Pavlodar oblystarynda jańbyr jaýyp, naizaǵai oinaidy. Kei óńirlerde burshaq túsip, jeldiń ekpini sekýndyna 23-28 metrge deiin kúsheiýi múmkin.
Astana qalasynda da 12 qyrkúiekte jańbyr men naizaǵai boljanyp otyr. Jeldiń ekpini kúndiz 15-20 m/s-qa deiin jetedi.
Al Almaty, Jetisý, Abai, Shyǵys Qazaqstan jáne Pavlodar oblystarynda kúndiz aýa temperatýrasy 35-37 gradýsqa deiin kóterilip, qatty ystyq saqtalady. Sonymen qatar bul óńirlerde joǵary jáne tótenshe órt qaýpi jariialanǵan.
Túrkistan jáne Jambyl oblystarynda taýly aýdandarda jańbyr men naizaǵai kútiledi. Túrkistan oblysynyń soltústiginde shańdy daýyl bolýy yqtimal.
Atyraý, Mańǵystaý, Batys Qazaqstan, Qostanai, Aqtóbe jáne Ulytaý oblystarynyń kei jerlerinde túngi jáne tańǵy ýaqytta tuman túsedi.
Qyzylorda oblysynda jel kúsheiip, óńir boiynsha tótenshe órt qaýpi saqtalady. Sondai-aq Atyraý, Túrkistan, Jambyl, Almaty, Abai jáne basqa da birqatar óńirlerde órt qaýpiniń deńgeii joǵary bolyp otyr.
Qazgidromet turǵyndardy aýa raiynyń ózgerýine bailanysty saqtyq sharalaryn saqtaýǵa, daýyldy eskertýlerdi eskerýge jáne tótenshe jaǵdailar qyzmetiniń usynymdaryn oryndaýǵa shaqyrdy.
