Astanada blogerler Erbolat Janabylov pen Elmira Tólegenovanyń otbasynan tárkilengen 17 dana iPhone 16 smartfony satylymǵa shyǵaryldy, dep habarlaidy dalanews.kz.
Astana qalasynyń Memlekettik múlik jáne jekeshelendirý departamentiniń málimetinshe, aýktsionǵa jady kólemi 128 GB bolatyn 17 iPhone 16 qoiylǵan. Smartfondar ýltramarin, qara jáne aq túste usynylǵan. Olardyń tórteýi boiynsha saýda-sattyq ótip úlgergen.
Ár smartfonnyń bastapqy baǵasy 1 454 970 teńge bolyp belgilengen. Saýda baǵasy tómendetiletin aýktsion formatynda ótedi. Sarapshylar qurylǵylardy 484 990 teńgege baǵalaǵan. Al satyp alýǵa bolatyn eń tómengi baǵa 339 493 teńgeni quraidy.
Departamenttiń málimetinshe, eger smartfondar satylmai qalsa, olar áleýmettik qyzmet kórsetetin uiymdarǵa beriledi.
Sonymen qatar vedomstvo uialy telefondardyń memlekettik zańdy tulǵalarǵa teńgerimine berý úshin veb-portal arqyly usynylmaitynyn túsindirdi.
Buǵan deiin sottalǵandardan tárkilengen avtokólikter jalpy aýktsionǵa shyǵarylmai, tek memlekettik organdarǵa usynylatyn. Al bul jaǵdaida smartfondar ashyq saýda arqyly satylyp jatyr.
