Jańa ákimshilik raqymshylyq aiasynda 2,3 myńnan astam qazaqstandyqtyń jalpy somasy 300 million teńgege jýyq ákimshilik aiyppuly keshiriledi. Alaida bul jeńildik salyqtan jaltarǵan azamattarǵa qoldanylmaidy, dep habarlaidy dalanews.kz.
Memlekettik kirister komitetiniń málimetinshe, tabysyn nemese salyq salynatyn múlkin jasyrǵan, salyq mólsherin ádeii tómendetken ne salyq tóleýden jaltarǵan azamattar raqymshylyqqa ilinbeidi.
Vedomstvo mundai quqyqbuzýshylyqtar memlekettik biýdjetke ziian keltiretinin atap ótti. Sondyqtan mundai zańbuzýshylyqtardy keshirý týraly sheshim qabyldanbaǵan.
Iaǵni, raqymshylyq tek ákimshilik sipattaǵy usaq quqyqbuzýshylyqtar úshin salynǵan aiyppuldarǵa ǵana qatysty bolady. Al salyq tóleýden jaltarǵandar memleket aldyndaǵy bereshegin óteýge mindetti.
