جاڭا ەكٸمشٸلٸك راقىمشىلىق اياسىندا 2,3 مىڭنان استام قازاقستاندىقتىڭ جالپى سوماسى 300 ميلليون تەڭگەگە جۋىق ەكٸمشٸلٸك ايىپپۇلى كەشٸرٸلەدٸ. الايدا بۇل جەڭٸلدٸك سالىقتان جالتارعان ازاماتتارعا قولدانىلمايدى, دەپ حابارلايدى dalanews.kz.
مەملەكەتتٸك كٸرٸستەر كوميتەتٸنٸڭ مەلٸمەتٸنشە, تابىسىن نەمەسە سالىق سالىناتىن مٷلكٸن جاسىرعان, سالىق مٶلشەرٸن ەدەيٸ تٶمەندەتكەن نە سالىق تٶلەۋدەن جالتارعان ازاماتتار راقىمشىلىققا ٸلٸنبەيدٸ.
ۆەدومستۆو مۇنداي قۇقىقبۇزۋشىلىقتار مەملەكەتتٸك بيۋدجەتكە زييان كەلتٸرەتٸنٸن اتاپ ٶتتٸ. سوندىقتان مۇنداي زاڭبۇزۋشىلىقتاردى كەشٸرۋ تۋرالى شەشٸم قابىلدانباعان.
ياعني, راقىمشىلىق تەك ەكٸمشٸلٸك سيپاتتاعى ۇساق قۇقىقبۇزۋشىلىقتار ٷشٸن سالىنعان ايىپپۇلدارعا عانا قاتىستى بولادى. ال سالىق تٶلەۋدەن جالتارعاندار مەملەكەت الدىنداعى بەرەشەگٸن ٶتەۋگە مٸندەتتٸ.
