Jańa Salyq kodeksine taǵy 45 túzetý usynyldy, dep habarlaidy dalanews.kz.
Premer- ministrdiń orynbasary - ulttyq ekonomika ministri Serik Jumanǵarinniń tóraǵalyǵymen ótkizilgen jobalyq keńseniń 21-otyrysynda qatysýshylar kezekti túzetýlerdi qarady. Conyń ishinde tsifrlyq aktivterdiń zańdy ainalymyn yntalandyrý úshin jeńildetilgen jaǵdai jasaý usynyldy. Ol úshin jeke tulǵalardy 2026 jylǵy 1 qańtardan bastap 2028 jylǵy 31 jeltoqsanǵa deiin tsifrlyq aktivter qyzmeti qazaqstandyq provaiderler arqyly jasalǵan tsifrlyq aktiv operatsiialarynan túsken kiris boiynsha jeke tabys salyǵynan bosatý kózdelgen.
Túzetýlerdiń jekelegen blogy investitsiialyq jobalardy memlekettik qoldaý tetikterin jetildirýge jáne sheteldik investorlar úshin neǵurlym tartymdy jaǵdai jasaýǵa arnalǵan.
Jańa paketke buryn jobalyq keńse otyrystarynda ázirlengen sheshimder de engizilgen. Olardyń qatarynda taýardy tańbalaý shyǵynyna ústeme shegerim engizý, múgedektigi bar adamdar úshin JTS boiynsha shegerimdi keńeitý, áleýmettik salyqtan jekelegen kiristi bosatýdy qalpyna keltirý, QQS-dan faktoring pen forfeitingini bosatý, esepke jatqyzylatyn aýyl sharýashylyǵy ónimi boiynsha QQS-ny túzetý, jemis sharabyna aktsiz jáne basqa da bastamalar bar. Paketke jobalyq keńse jumysy barysynda qabyldanǵan 20 sheshim engen.
Sondai-aq, Salyq kodeksin qoldaný barysynda anyqtalǵan máselelerdi sheshýge arnalǵan túzetýlermen tolyqtyrylǵan.
"Bul rette birqatar bastama zań jobasy Quryltaidyń qaraýyna engizilgenge deiin biznes qoǵamdastyqpen pysyqtaýdy da talap etedi. Olar jobalyq keńse alańynda talqylanady", - dep jazylǵan habarlamada.
