Jańa oqý jyly bastalar aldynda Ishki ister ministrligi balalardyń qaýipsizdigin qamtamasyz etý sharalaryn kúsheitti, dep habarlaidy dalanews.kz.
Qazir Qazaqstanda 7656 jalpy bilim beretin mektep jumys isteidi. Olarda 283 myńnan asa beinebaqylaý kamerasy ornatylǵan. Onyń ishinde 7159 mektep politsiianyń jedel basqarý ortalyqtaryna nemese kezekshi bólimderine qosylǵan. Bul qaýip tóngen jaǵdaida jedel áreket etýge múmkindik beredi.
Balalardyń mektepke baryp-qaitý joldarynyń qaýipsizdigi de tekserildi. IIM bilim berý nysandarynyń mańyndaǵy jol infraqurylymyna 9417 tekseris júrgizip, anyqtalǵan kemshilikterdi joiý jóninde 4070 nusqaý bergen. Qazir olardyń 3440-yna jaýap alynǵan.
Mektepterdiń mańyna 258 jaiaý júrginshiler ótkeli, 1429 jasandy jol kedergisi, 4854 jol belgisi ornatylyp, 10 shaqyrymnan asa qorshaý men 1897 jaryqtandyrý nysany jabdyqtalǵan.
Ministrlik balalardyń qaýipsizdigin qamtamasyz etý tek politsiianyń emes, ata-analar, muǵalimder, memlekettik organdar jáne búkil qoǵamnyń ortaq mindeti ekenin málimdedi.
