Astana qalasynyń Investitsiialar jáne kásipkerlikti damytý basqarmasy, Baiqońyr aýdanynyń ákimdigi, sondai-aq Politsiia departamenti men Tótenshe jaǵdailar departamentiniń ókilderi «Alash», «Sharyn», «Ámir» jáne «Shanhai» bazarlarynda túsindirý júrgizdi,- dep habarlaidy Dalanews.kz
Is-sharanyń maqsaty – quqyq buzýshylyqtardyń aldyn alý jáne kásipkerler arasynda quqyqtyq mádenietti arttyrý. Shara barysynda sanitarlyq normalar, órt qaýipsizdigi talaptary men jalpy zańnama normalaryn saqtaý máseleleri boiynsha túsindirý júrgizildi.
«Memleket basshysynyń tapsyrmasyna sáikes biz qoǵamda zań men tártip ideologiiasyn nasihattap kelemiz. Búgin biz bul qaǵidalardy bazarlarda jumys isteitin kásipkerlerge túsindirip jatyrmyz.
Birinshiden, zańǵa sáikes olar órt qaýipsizdigi talaptaryn qatań saqtaýy tiis. Biz osy erejelerge nemquraily qaraý saldarynan bolǵan iri órt oqiǵalaryn jaqsy bilemiz. Ekinshiden, qazirgi ýaqytta bazarlar jańǵyrtylyp jatyr jáne olardyń ieleri óz jalǵa alýshylary úshin zamanaýi, qaýipsiz ári yńǵaily saýda oryndaryn jasaý maqsatynda jańa standarttardy saqtaý mindetti. Bizdiń is-sharamyz – bul reid nemese tekseris emes, bul – profilaktikalyq jumys. Onyń maqsaty – adamdarǵa zańdy saqtaýdyń mańyzyn túsindirý», – dedi Astana qalasynyń Investitsiialar jáne kásipkerlikti damytý basqarmasy basshysynyń orynbasary Maqsat Janabaev.
Saýdagerlerge saýda núktelerin sanitarlyq talaptarǵa sai ustaý, órt qaýipsizdigi erejelerin saqtaý, sondai-aq qoldanystaǵy zańnama normalaryn buljytpai oryndaý qajettigi eskertildi.
Elorda bazarlarynda qaýipsiz jáne zańǵa baǵynatyn ortany qalyptastyrý maqsatynda mundai is-sharalar turaqty túrde ótkiziletin bolady.
