Jambyl oblysyndaǵy «Áýlie-Ata» áýejaiy aviakerosindi negizsiz joǵary baǵamen satyp, monopoliiaǵa qarsy zańnamany buzǵany úshin jaýapkershilikke tartyldy, dep habarlaidy dalanews.kz.
Básekelestikti qorǵaý jáne damytý agenttiginiń óńirlik departamenti áýejaidyń baǵa belgileý saiasatyn tekserý barysynda aviakerosindi satý kezinde baǵanyń negizsiz kóterilgenin anyqtaǵan.
Alaida áýejai basshylyǵy tergeý qorytyndysymen kelispei, ony birinshi jáne apelliatsiialyq satydaǵy sottarda daýlasqan. Soǵan qaramastan, Jambyl oblystyq sotynyń ákimshilik ister jónindegi sot alqasy monopoliiaǵa qarsy organ júrgizgen tekserý nátijelerin zańdy dep tanydy.
Keiin Taraz qalasynyń mamandandyrylǵan ákimshilik quqyq buzýshylyqtar jónindegi sotynda kásiporyn óz kinásin moiyndaǵan.
Tekserý nátijesinde zań buzý arqyly alynǵan 25,2 million teńge kólemindegi monopoliialyq tabys memleket kirisine óndirildi. Budan bólek, Ákimshilik quqyq buzýshylyq týraly kodekstiń 159-babynyń 3-bóligi boiynsha áýejaiǵa 3,2 million teńge aiyppul salyndy.
Sondai-aq monopoliiaǵa qarsy organ kásiporynǵa zań buzýshylyqtardy joiý jáne aviakerosinge ekonomikalyq turǵydan negizdelgen baǵa belgileý jóninde nusqama bergen.
