جامبىل وبلىسىنداعى «ەۋليە-اتا» ەۋەجايى اۆياكەروسيندٸ نەگٸزسٸز جوعارى باعامەن ساتىپ, مونوپوليياعا قارسى زاڭنامانى بۇزعانى ٷشٸن جاۋاپكەرشٸلٸككە تارتىلدى, دەپ حابارلايدى dalanews.kz.
بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ ٶڭٸرلٸك دەپارتامەنتٸ ەۋەجايدىڭ باعا بەلگٸلەۋ ساياساتىن تەكسەرۋ بارىسىندا اۆياكەروسيندٸ ساتۋ كەزٸندە باعانىڭ نەگٸزسٸز كٶتەرٸلگەنٸن انىقتاعان.
الايدا ەۋەجاي باسشىلىعى تەرگەۋ قورىتىندىسىمەن كەلٸسپەي, ونى بٸرٸنشٸ جەنە اپەللياتسييالىق ساتىداعى سوتتاردا داۋلاسقان. سوعان قاراماستان, جامبىل وبلىستىق سوتىنىڭ ەكٸمشٸلٸك ٸستەر جٶنٸندەگٸ سوت القاسى مونوپوليياعا قارسى ورگان جٷرگٸزگەن تەكسەرۋ نەتيجەلەرٸن زاڭدى دەپ تانىدى.
كەيٸن تاراز قالاسىنىڭ مامانداندىرىلعان ەكٸمشٸلٸك قۇقىق بۇزۋشىلىقتار جٶنٸندەگٸ سوتىندا كەسٸپورىن ٶز كٸنەسٸن مويىنداعان.
تەكسەرۋ نەتيجەسٸندە زاڭ بۇزۋ ارقىلى الىنعان 25,2 ميلليون تەڭگە كٶلەمٸندەگٸ مونوپولييالىق تابىس مەملەكەت كٸرٸسٸنە ٶندٸرٸلدٸ. بۇدان بٶلەك, ەكٸمشٸلٸك قۇقىق بۇزۋشىلىق تۋرالى كودەكستٸڭ 159-بابىنىڭ 3-بٶلٸگٸ بويىنشا ەۋەجايعا 3,2 ميلليون تەڭگە ايىپپۇل سالىندى.
سونداي-اق مونوپوليياعا قارسى ورگان كەسٸپورىنعا زاڭ بۇزۋشىلىقتاردى جويۋ جەنە اۆياكەروسينگە ەكونوميكالىق تۇرعىدان نەگٸزدەلگەن باعا بەلگٸلەۋ جٶنٸندە نۇسقاما بەرگەن.
