Jambyl oblysynda prokýratýranyń aralasýynan keiin balyq sharýashylyǵymen ainalysatyn kásipkerlerge 119 mln teńge kóleminde sýbsidiia tólendi, dep habarlaidy dalanews.kz.
Tabiǵatty qorǵaý prokýratýrasy júrgizgen tekserý barysynda memlekettik qoldaýǵa ótinish bergen 17 sharýashylyqtyń tiesili qarajatty ýaqytynda ala almaǵany anyqtaldy.
Kásipkerler balyq jemin jáne sýbsidiialaý talaptarynda kózdelgen ózge de qajetti taýarlardy satyp alýǵa jumsaǵan shyǵyndarynyń bir bóligin óteý úshin memleketten kómek suraǵan. Alaida olardyń ótinishteri boiynsha tólem belgilengen merzimde júrgizilmegen.
Qadaǵalaý organynyń aralasýynan keiin toǵyz kásipkerge jalpy somasy 119 mln teńge sýbsidiia aýdaryldy. Qalǵan segiz sharýashylyqqa tiesili qarajatty tóleý boiynsha tiisti jumystar júrgizilip jatyr.
Prokýratýra kásipkerler men investorlardyń quqyqtaryn qorǵaý baǵytyndaǵy jumystyń jalǵasatynyn málimdedi.
