Jambyl oblysynda balasyn qoqysqa tastaǵan áiel tabyldy. Bul aqparatty óńir politsiiasy rastady, dep habarlaidy dalanews.kz.
Politsiia qyzmetkerleri júrgizgen jedel izdestirý jáne tergeý is-sharalary barysynda qysqa ýaqytta jańa týǵan náresteni qaýipti jaǵdaida qaldyrǵan kúdikti áiel anyqtalǵan.
"Kúdikti politsiia bólimine jetkizildi, kinásin moiyndady", - dedi politsiia.
Jan-jaqty, tolyq tergep-tekserý nátijeleri boiynsha protsessýaldyq sheshim qabyldanady.
Eske salaiyq, buǵan deiin Jambyl oblysy Qordai aýdanyndaǵy Gvardiialyq garnizon aýmaǵynda qoqys konteinerinen jańa týǵan sábi tabylǵany habarlandy.
Aldyn ala málimet boiynsha tabylǵan sábi - qyz bala. Dárigerler onyń densaýlyǵyna qaýip joq ekenin habarlaǵan.
