Jambyl oblysynyń Qulan aýylynda 25 jastaǵy jigittiń oqqa ushýy qoǵamda qyzý talqylanyp jatyr. Áleýmettik jelide marqumnyń týystary men aýyl turǵyndary qylmystyń ádil tergelýine qatysty alańdaýshylyq bildirýde, dep habarlaidy dalanews.kz.
Jeli qoldanýshysy Nuradin Raqaidyń jazýynsha, oqiǵa saldarynan Qulan aýylynyń turǵyny Dúkenbai Ahmet Serikuly qaza tapqan.
«Qaqpadan shyǵaryp, qanǵa bóktirip, 25 jastaǵy jigitti atyp ketken. Sonyń saldarynan bútin bir otbasy oiran boldy. Artynda jesir jary men eki balasy qaldy», – dep jazdy ol.
Avtordyń aitýynsha, marqumnyń týystary qylmysqa birneshe adamnyń qatysy bolýy múmkin dep esepteidi.
«Tún ortasynda dalaǵa shaqyryp, qaqpa aldynda myltyq atqan adamdar top bolyp kelgenin týystary aityp otyr. Biraq isti bir ǵana kúdiktimen shektep qoiýy múmkin degen kúdik bar», – deidi Nuradin Raqai.
Sondai-aq ol istegi keibir jaittardyń túsiniksiz ekenin alǵa tartty.
«Jedel-tergeý toby kúdiktini Qulannan ustadyq dep jatqanda, Shý aýdandyq politsiia bólimine bir azamat ózi baryp, "oq atqan menmin" dep málimdegen. Bul jerde naǵyz qylmysker qutylyp, basqa bireý kináni óz moinyna alyp otyrǵan joq pa degen suraq týyndaidy», – dep jazdy ol.
Jeli qoldanýshysy qylmystyń tolyq ári ashyq tergelýin surap, barlyq kúdiktilerdiń áreketine quqyqtyq baǵa berilýi tiis ekenin aitty.
Biz bul jaǵdaiǵa qatysty Jambyl oblysynyń politsiia departamentine saýal joldadyq. Ázirge departament bul is boiynsha resmi túsinikteme bergen joq.
