Áleýmettik jelide kásipker jalǵan 10 myń teńgelik banknotqa bailanysty shaǵymyn jariialady. Onyń aitýynsha, jalǵan aqsha syrt kózge shynaiy kýpiýraǵa óte uqsas bolǵandyqtan, kassir ony baiqamai qabyldap alǵan, dep habarlaidy dalanews.kz.
Kásipkerdiń sózinshe, olardyń dúkenine kún saiyn qolma-qol aqsha túsedi. Kassany sanaý kezinde ol jalǵan 10 myń teńgelik kýpiýrany anyqtaǵan.
«Búgin kassany eseptep otyryp, jalǵan 10 myń teńgelik kýpiýrany baiqap qaldym. Kassir ony ajyrata almai, qabyldap alǵan. Sonyń saldarynan shyǵyn bizge keldi. Satyp alýshyǵa shynaiy aqshamen qaitarym berilip, taýar da satylyp ketken», – dep jazdy ol.
Jeli qoldanýshysy jalǵan banknottardyń shynaiy aqshamen aitarlyqtai uqsas bolýy alańdaýshylyq týdyratynyn aityp, mundai ónimderdi shyǵarý qanshalyqty zańdy ekenine kúmán keltirgen.
Aita keteiik, jalǵan aqsha jasaý, saqtaý, tasymaldaý jáne ainalymǵa engizý Qazaqstan zańnamasy boiynsha qylmystyq jaýapkershilikke jatady. Al kúmándi banknot anyqtalǵan jaǵdaida ony paidalanbai, quqyq qorǵaý organdaryna nemese bankke júginý qajet.
