Kólik prokýratýrasy men keden organdarynyń tekserýleri kezinde quny ondaǵan million teńge bolatyn zańsyz eksportqa jol berilmedi, dep habarlaidy Dalanews.kz.
Mańǵystaý oblysynda "Morport" keden beketinde konteiner tekserildi, onda Irannan kelgen qoqys jáshikterin jeleý etip, kontrabandalyq jolmen ákelingen Oris – temekileriniń úlken partiiasy jasyrylǵan, jalpy quny 85,9 mln teńge bolatyn 226 myńnan astam qorap.
Bul fakti boiynsha ekonomikalyq kontrabanda (QR QK-niń 234-baby) boiynsha sotqa deiingi tergeý bastaldy.
Sol siiaqty, Jetisý oblysyndaǵy «Altynkól-Jol» beketinde jeńil panelder atyn jamylǵan quny 87 mln teńge bolatyn 400 myń qorap temekini zańsyz alyp ótý áreketi toqtatyldy. Júk Polshaǵa jetkizilmek bolǵan.
Túrkistan oblysynda 17 kólikpen shekaradan ótpek bolǵan 413 tonna aǵashty zańsyz eksporttaýǵa jol berilmedi. Qylmyskerler ákimshilik jaýapkershilikke tartyldy.
Prokýratýra men keden organdarynyń úilestirilgen jumysynyń nátijesinde eksporttyq operatsiialardyń zańdylyǵyn baqylaýǵa jáne memlekettiń múddesin qorǵaýǵa bolady.
