Fox News Donald Tramptyń Iranmen soǵystyń aiaqtalǵany týraly aitqan sózderin jariialady, dep habarlaidy Dalanews.kz.
AQSh prezidenti bul týraly Fox Business arnasynyń jýrnalisi Mariia Bartiromoǵa bergen suhbatynda málimdegen. Jýrnalist bul jaily X áleýmettik jelisindegi paraqshasynda jazdy.
Ol jariialaǵan videoda Tramptan nege soǵys týraly ótken shaqta aityp otyrǵanyn suraǵanyn jetkizdi. Sondai-aq AQSh-tyń Taiaý Shyǵystaǵy áskeri operatsiiasy aiaqtaldy ma degen saýal qoiǵan.
«Ol [soǵys] aiaqtaldy», - dep keltirdi Bartiromo AQSh prezidentiniń jaýabyn.
8 sáýirde Iran men AQSh eki aptaǵa atysty toqtatý týraly kelisim jariialaǵan edi. 11 sáýirde Pákistanda ótken kelissózder naqty nátije bermei aiaqtaldy. Soǵan qaramastan, AQSh vitse-prezidenti Djei Di Vens Vashington kelissózderde «aitarlyqtai ilgerileýge» qol jetkizgenin aityp, endigi qadam Iranǵa bailanysty ekenin málimdedi.
Bul kelissózder sońǵy on jyldan astam ýaqyttaǵy taraptar arasyndaǵy alǵashqy tikelei kezdesý boldy. Sondai-aq 1979 jylǵy Islam revoliýtsiiasynen beri eń joǵary deńgeidegi talqylaýlar sanalady.
Reuters derekkózderiniń málimetinshe, Islamabadtaǵy kelissózderdiń kelesi kezeńi osy aptada ótýi múmkin. Al The Atlantic basylymy olardyń 16 sáýirde ótýi yqtimal ekenin jazdy.
