Iran munai baǵasynyń barreli 100 dollardan asýyna bailanysty kún saiyn 140 mln dollardan astam tabys taýyp otyr, dep habarlaidy Dala News.
Halyqaralyq derekterge sáikes, el táýligine shamamen 1,5–1,6 mln barrel munai eksporttaýda, bul AQSh sanktsiialaryna qaramastan jalǵasyp keledi.
AQSh pen Izraildiń soqqylarynan keiin Irannyń negizgi munai terminaly – Harg aralynda 13 sýpertanker munai tiep shyqqan. Sonymen qatar Ormýz buǵazy arqyly 24 mln barrelge jýyq iran munaiy ótken, bul kezde basqa kemeler úshin qozǵalys shektelgen.
Sarapshylardyń aitýynsha, Iran munaiynyń bir bóligi «kóleńkeli flot» arqyly tasymaldanady, iaǵni jetkizý baǵyttary ádeii jasyrylyp, sanktsiialardy ainalyp ótedi.
AQSh Qarjy ministri Skott Bessent Vashingtonnyń belgili bir deńgeide Iran munaiynyń satylýyna kóz juma qaraitynyn málimdegen.
«Iran kemeleri teńizge shyǵa bastady, jáne biz buǵan jol berdik, óitkeni bul álemdi energiiamen qamtamasyz etý úshin qajet», – dedi ol.
Osylaisha, geosaiasi shieleniske qaramastan, Iran munai eksportynan eleýli tabys túsirýdi jalǵastyryp otyr.
