Onyń málim etkenindei Almaty qalasy búgingi kúni Qazaqstan JIÓ-niń 20%-yn qamtamasyz etip otyr. Budan bólek búkil salyq tólemderdiń 25%-y Almatynyń úlesinde.
Jyl basynan beri qala ekonomikasyna 930 milliard jeke investitsiia tartylǵan. Kásipkerlik turaqty damyp keledi. Shaǵyn jáne orta biznes sýbektileriniń sany 30 paiyzǵa ósken.
"Saýda salasynyń 36 paiyzy osynda ornalasqan, 60-qa jýyq transulttyq korporatsiia Almatyda jumys isteidi. Osy baǵytta Almaty kásipkerler palatasy qala aýmaǵynda ornalasqan sheteldik kompaniialardyń ókildikteri men filialdaryna kómek kórsetýge qashanda daiyn», – dedi Aitýar Qoshmambetov.
Aita ketelik, Almatyǵa jasaǵan resmi sapary barysynda prezident Toqaev qalanyń ortasha kiris tuzaǵyna túskenin, odan shyǵý úshin ekonomikany tereń ártaraptandyrý qajet ekenin atap ótken edi.
Budan bólek Almaty qalasy men Almaty oblysynyń ákimderine Almaty aglomeratsiiasynyń aiasynda óńdeý ónerkásibin birlesip damytýdy tapsyrǵan.
Sondai-aq osy maqsatta jyl aiaǵyna deiin eki aimaqtyń tyǵyz yntymaqtastyǵyna negiz bolatyn "Aglomeratsiialardy damytý týraly" jańa Zań qabyldanatynyn aitqan bolatyn.
Qasym-Jomart Toqaev elimizdegi IT kompaniialardyń 40 paiyzdan astamy Almatyda ornalasqanyna toqtalyp, azamattardyń mańyzdy bastamalaryn júzege asyrý úshin jaqyn arada qalada habtar men klasterler iske qosylatynyn jetkizgen.
Sondai-aq bastapqy qarjylandyrylý somasy 10 milliard teńge bolatyn qalalyq venchýrlyq qor qurý jónindegi jergilikti biliktiń ideiasyn qoldaitynyn atap ótip, bul jobaǵa jeke kásipkerlerden qarjy tartýdyń mańyzdy ekenin aitqan-tuǵyn.
