Qaraǵandy oblysynyń prokýratýrasy áleýmettik jelilerde ultaralyq arazdyqty qozdyrý faktileriniń kóbeigenin málimdedi. Mundai quqyqbuzýshylyqtardyń basym bóligi Instagram, TikTok jáne Threads platformalarynda tirkelgen, dep habarlaidy Dalanews.kz.
Osyǵan bailanysty prokýrorlar azamattarǵa QR Konstitýtsiiasynda bekitilgen ultaralyq kelisimge qater tóndiretin kez kelgen áreketke tyiym salynatynyn eske saldy.
Zańǵa sáikes, mundai qylmys jasaǵandar 2 jyldan 7 jylǵa deiin bas bostandyǵynan airylýy múmkin. Al aýyr zardaptarǵa ákelgen jaǵdaida jaza merzimi 12 jyldan 20 jylǵa deiin uzarýy yqtimal.
Bul qylmystar ekstremistik sanatqa jatady jáne amnistiia qoldanylmaidy. Sondai-aq jazba avtorynyń kópshilik aldynda keshirim suraýy da ony jaýapkershilikten bosatpaidy.
