«Inkliýzivti bilim: qajettilik jáne qamtamasyzdyq» kýrsy ótti
Baǵdarlamanyń basty maqsaty – qazaqstandyq bilim men ǵylymnyń jahandyq básekege qabilettiligin arttyrý; tulǵany oqytý men tárbieleý barysynda jalpy adamzattyq qundylyqtarǵa mán berý; ǵylymnyń el ekonomikasyna qosatyn úlesin ulǵaitý. Osy mejege qol jetkizýdyń 5 basym baǵyty men 11 aýqymdy júktemesi naqtylanǵan.
Atalǵan baǵdarlamada biliktilikti arttyrý kýrstary baǵdarlamalarynyń mazmuny pedagogikalyq qyzmettiń barlyq túrlerin iske asyrý úshin pedagogke qajetti pándik, psihologiialyq-pedagogikalyq, áleýmettik jáne basqa da quzyretterdiń ońtaily araqatynasyn qamtityny, kýrstardyń baǵdarlamalary pedagogtiń alǵan bilimderi men daǵdylaryn pedagogikalyq ujymda kaskadtyq taratýdy qamtamasyz etýge arnalǵan komponentten turatyny, kýrs baǵdarlamalarynyń sapaly mazmuny bilim alýshylar bilimderiniń sapaly ósýine yqpal etetini taiǵa tańba basqandai anyq ta aiqyn kórsetilgen.
Baǵdarlama aiasynda júktelgen mindetti oryndaýda arnaiy mekemeler de qalys qalyp jatqan joq. Aitalyq, 2021 jyldyń 29 qarashasy men 3 jeltoqsany aralyǵynda Bilim mazmunyn damytý institýtynyń uiymdastyrýymen joǵaryda atalǵan memlekettik baǵdarlamany júzege asyrý aiasynda orta bilim berý uiymdarynyń ustazdaryna arnalǵan «Inkliýzivti bilim: qajettilik jáne qamtamasyzdyq» kýrsy ótti.
Kýrs spikeri A.Chýlembaeva orta bilim berý uiymdarynyń ustazdaryna inkliýzivti bilim berýdiń qyr-syryn jetkizdi. Árbir balamen jeke jumys isteý, jeke jumys josparyn qurý, pán muǵalimderiniń balaǵa araqatynasy syndy taqyryptarda sóz qozǵaldy. Orta bilim berý uiymdarynyń ustazdary tolǵandyrǵan suraqtaryn qoiyp, qajetti jaýaptaryn aldy. Kýrsqa qatysýshylarǵa institýt direktory B.Aitkarimov sertifikat tabystady.
