Qazaqstannyń qurama komandasy ınformatıka boıynsha halyqaralyq olımpıadada (International Olympiad in Informatics – IOI 2020) baq synady, dep habarlaıdy Dalanews.kz. 

Bıylǵy jarysqa álemniń 80 memleketiniń oqýshylary qatysty. Qazaqstan komandanyń quramyna ınformatıka páni boıynsha respýblıkalyq olımpıada jáne irikteý týrynyń nátıjeleri boıynsha úzdik atanǵan 4 oqýshy kirdi.

IOI 2020 nátıjeleri boıynsha Óskemen qalasy "Bilim-ınnovasıa" mamandandyrylǵan lıseıiniń túlegi Temirlan Baıbolov kúmis medal ıelendi. Temirlan QR ulttyq quramasynyń quramynda ekinshi jyl qatarynan shaqyrylyp otyr. Ol respýblıkalyq olımpıadalardyń, bedeldi halyqaralyq olımpıadalardyń birneshe dúrkin jeńimpazy,

Atalǵan pán boıynsha halyqaralyq baıqaý sheńberindegi ıntellektýaldy birinshilikte kúlli álemniń jas programmısteri jınalatynyn aıta ketý qajet.

Atalǵan olımpıada kúlli álem boıynsha aqparattyq tehnologıalar salasynda jaqsy kórsetkishterge qol jetkizgen daryndy oqýshylardy anyqtaý jáne qoldaý maqsatynda uıymdastyrylǵan.

Olımpıada eki aınalym boıynsha ótkizildi. Aınalymdar barysynda qatysýshylar ınformatıka men AKT boıynsha túrli qabiletterin kórsetip, algorıtmdik esepter oryndady.

Qatysýshylardyń jumystaryn, quramyna qatysýshy memleketterdiń ókilderi engen halyqaralyq ádilqazylar alqasy baǵalady.