Elimizdiń avtomobıl, temir jol jáne áýe tasymalyna jaýapty vedomstvo Pýtınniń málimdemesinen keıingi kórshi elde týyndaǵan ahýaldan habardar.
"Qazirgi tańda elimizdiń barlyq kólik ınfraqurylymy shtattyq rejımde jumys isteýde. Poıyzdar men ushaqtar jáne avtobýstar kúndegideı jolaýshylar tasymalyn uıymdastyrýda.
⠀
Sondaı-aq tasymaldaý syıymdylyǵyn arttyrý jáne reısterdiń keshigý sanyn azaıtý maqsatyndaǵy tapsyrmany oryndaý úshin keshe keshkilik otandyq áýe parki taǵy bir «Boeing-737» ushaǵymen tolyqty.
Bul SCAT avıakompanıasynyń sońǵy bir jarym aıda alǵan tórtinshi «Boeing» áýe kemesi. Syıymdylyǵy 189 oryndyqty quraıtyn samolet avıakompanıa parkindegi 30-shy ushaq.
Bıylǵy jyldyń sońyna deıin Qazaqstannyń azamattyq avıasıa floty taǵy da 10 áýe bortymen tolyǵady dep josparlanyp otyr", – deıdi mınıstrlik baspasóz hatshysy.
⠀
Janjigit Omarhannyń atap ótkenindeı respýblıkalyq mańyzy bar kólik joldaryndaǵy qazirgi jaǵdaı men ondaǵy qozǵalys qarqyndylyǵy da aldyńǵy aptalardaǵydaı qalypty deńgeıde.
⠀
"Eger BAQ ókilderi tarapynan mınıstrlik qyzmetine baılanysty qandaı da bir qosymsha saýaldary bolsa, biz árdaıym jedel ári naqty jaýap berýge daıynbyz", – deıdi ol.
