ەلىمىزدىڭ اۆتوموبيل، تەمىر جول جانە اۋە تاسىمالىنا جاۋاپتى ۆەدومستۆو ءپۋتيننىڭ مالىمدەمەسىنەن كەيىنگى كورشى ەلدە تۋىنداعان احۋالدان حاباردار.
"قازىرگى تاڭدا ەلىمىزدىڭ بارلىق كولىك ينفراقۇرىلىمى شتاتتىق رەجيمدە جۇمىس ىستەۋدە. پويىزدار مەن ۇشاقتار جانە اۆتوبۋستار كۇندەگىدەي جولاۋشىلار تاسىمالىن ۇيىمداستىرۋدا.
⠀
سونداي-اق تاسىمالداۋ سىيىمدىلىعىن ارتتىرۋ جانە رەيستەردىڭ كەشىگۋ سانىن ازايتۋ ماقساتىنداعى تاپسىرمانى ورىنداۋ ءۇشىن كەشە كەشكىلىك وتاندىق اۋە پاركى تاعى ءبىر «Boeing-737» ۇشاعىمەن تولىقتى.
بۇل SCAT اۆياكومپانياسىنىڭ سوڭعى ءبىر جارىم ايدا العان ءتورتىنشى «Boeing» اۋە كەمەسى. سىيىمدىلىعى 189 ورىندىقتى قۇرايتىن سامولەت اۆياكومپانيا پاركىندەگى 30-شى ۇشاق.
بيىلعى جىلدىڭ سوڭىنا دەيىن قازاقستاننىڭ ازاماتتىق اۆياسيا فلوتى تاعى دا 10 اۋە بورتىمەن تولىعادى دەپ جوسپارلانىپ وتىر"، – دەيدى مينيسترلىك باسپا ءسوز حاتشىسى.
⠀
جانجىگىت ومارحاننىڭ اتاپ وتكەنىندەي رەسپۋبليكالىق ماڭىزى بار كولىك جولدارىنداعى قازىرگى جاعداي مەن ونداعى قوزعالىس قارقىندىلىعى دا الدىڭعى اپتالارداعىداي قالىپتى دەڭگەيدە.
⠀
"ەگەر ب ا ق وكىلدەرى تاراپىنان مينيسترلىك قىزمەتىنە بايلانىستى قانداي دا ءبىر قوسىمشا ساۋالدارى بولسا، ءبىز ءاردايىم جەدەل ءارى ناقتى جاۋاپ بەرۋگە دايىنبىز"، – دەيدى ول.
