Imanǵali Tasmaǵambetov Ujymdyq qaýipsizdik týraly shart uiymyndaǵy (UQShU) Bas hatshy qyzmetinen ketedi, dep habarlaidy Dalanews.kz.
Jaqyn arada uiymǵa múshe elder onyń ornyn basatyn tulǵany aldaǵy úsh jylǵa tańdaidy.
Jańa Bas hatshy kandidatýrasy 27 qarashada Bishkekte qaralady. Sol kúni ministrler men qorǵanys jáne qaýipsizdik keńesi hatshylarynyń birlesken otyrysy ótedi.
"Kezdesýde qatysýshylar esirtki saýdasyna jáne zańsyz migratsiiaǵa qarsy kúres boiynsha yntymaqtastyq máselelerin talqylaidy. UQShU sessiiasynda elderdiń qaýipsizdik máseleleri boiynsha ortaq pozitsiialaryn jariialaityn deklaratsiia qabyldanyp, 2026 jylǵy Resei tóraǵalyǵy kezinde júzege asyrylatyn basymdyqtar aiqyndalady", – dep habarlady uiym.
Eske salaiyq, buǵan deiin Tasmaǵambetov Ýkrainaǵa qarsy "agressiiany qoldady" dep aiyptalǵan edi. Onyń esimi ýkrainalyq «Mirotvorets» saitynyń derekqorynda paida boldy.
Tasmaǵambetovtiń kartochkasynda oǵan Ýkrainaǵa qarsy «agressiiany qoldady» degen aiyp taǵylǵan.
Atalǵan internet-resýrs jýrnalisterdiń, DNR men LNR jaýyngerleriniń jáne sait «otanǵa opasyzdyq jasady» dep ataityn basqa da tulǵalardyń jeke derekterin jariialaýymen aty shyqqan.
2016 jyldyń kókteminde «Mirotvorets» DNR men LNR-dan akkreditatsiia alǵan jýrnalisterdiń, sonyń ishinde sheteldik tilshilerdiń de, tizimin olardyń bailanys aqparattarymen birge jariialaǵan.
Munyń nátijesinde keibir jýrnalisterge qoqan-loqy jasalǵan jaǵdailar tirkelgen.
