Ádebiet pen óner salasynda Memlekettik syilyq laýreattary anyqtaldy. Elbasy Nursultan Nazarbaev Imanǵali Tasmaǵambetov pen «Máńgilik El» monýmentiniń avtorlaryna Memlekettik syilyq taǵaiyndady, dep habarlady Aqordanyń baspasóz qyzmeti.
«Qazaqstan Respýblikasynyń 2016 jylǵy ádebiet pen óner salasyndaǵy memlekettik syilyǵyn berý týraly» qaýlysy Prezidenttiń saitynda jariialandy.
«Qazaqstan Respýblikasynyń 2016 jylǵy ádebiet pen óner salasyndaǵy memlekettik syilyǵy «Máńgilik El» monýmenti úshin avtorlar ujymyna: Imanǵali Nurǵaliuly Tasmaǵambetovke, Saǵyndyq Smailuly Jambolatovqa, Murat Amangeldiuly Mansurovqa, Nurlan Amanuly Dalbaiǵa berilsin», — delingen qujatta.
Sonymen qatar, memlekettik syilyq «Ái, dúnie-ai» romany úshin jazýshy Beksultan Nurjekeevke; «Qunanbai» tolyq metrajdy kórkem filmi úshin Doshan Qaliuly Joljaqsynovqa, Rýstam Odinaevqa, Aidos Jumdildiuly Bektemirge, Nursifat Rahymbaiqyzy Salyqovaǵa; Qazaqstan Respýblikasy Táýelsizdiginiń 25 jyldyǵyna arnalǵan «Táýelsizdikke tartý» jumystar tsikli úshin sýretshi Kamil Mýllashevqa beriledi.
«Máńgilik El» monýmenti Astanada 2011 jyly 16 jeltoqsanda ashylǵan bolatyn. Onyń biiktigi 20 metr, iaǵni, Táýelsizdiktiń 20 jyldyǵynyń simvoly sanalady.
