ەدەبيەت پەن ٶنەر سالاسىندا مەملەكەتتٸك سىيلىق لاۋرەاتتارى انىقتالدى. ەلباسى نۇرسۇلتان نازارباەۆ يمانعالي تاسماعامبەتوۆ پەن «مەڭگٸلٸك ەل» مونۋمەنتٸنٸڭ اۆتورلارىنا مەملەكەتتٸك سىيلىق تاعايىندادى, دەپ حابارلادى اقوردانىڭ باسپاسٶز قىزمەتٸ.
«قازاقستان رەسپۋبليكاسىنىڭ 2016 جىلعى ەدەبيەت پەن ٶنەر سالاسىنداعى مەملەكەتتٸك سىيلىعىن بەرۋ تۋرالى» قاۋلىسى پرەزيدەنتتٸڭ سايتىندا جارييالاندى.
«قازاقستان رەسپۋبليكاسىنىڭ 2016 جىلعى ەدەبيەت پەن ٶنەر سالاسىنداعى مەملەكەتتٸك سىيلىعى «مەڭگٸلٸك ەل» مونۋمەنتٸ ٷشٸن اۆتورلار ۇجىمىنا: يمانعالي نۇرعاليۇلى تاسماعامبەتوۆكە, ساعىندىق سمايلۇلى جامبولاتوۆقا, مۇرات امانگەلدٸۇلى مانسۇروۆقا, نۇرلان امانۇلى دالبايعا بەرٸلسٸن», — دەلٸنگەن قۇجاتتا.
سونىمەن قاتار, مەملەكەتتٸك سىيلىق «ەي, دٷنيە-اي» رومانى ٷشٸن جازۋشى بەكسۇلتان نۇرجەكەەۆكە; «قۇنانباي» تولىق مەتراجدى كٶركەم فيلمٸ ٷشٸن دوسحان قاليۇلى جولجاقسىنوۆقا, رۋستام وديناەۆقا, ايدوس جۇمدٸلدٸۇلى بەكتەمٸرگە, نۇرسيفات راحىمبايقىزى سالىقوۆاعا; قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىنا ارنالعان «تەۋەلسٸزدٸككە تارتۋ» جۇمىستار تسيكلٸ ٷشٸن سۋرەتشٸ كاميل مۋللاشەۆقا بەرٸلەدٸ.
«مەڭگٸلٸك ەل» مونۋمەنتٸ استانادا 2011 جىلى 16 جەلتوقساندا اشىلعان بولاتىن. ونىڭ بيٸكتٸگٸ 20 مەتر, ياعني, تەۋەلسٸزدٸكتٸڭ 20 جىلدىعىنىڭ سيمۆولى سانالادى.
