Ilon Mask tarihta alǵash ret bailyǵy 500 milliard dollardan asqan adam atandy. Jyl basynda Mask Donald Tramp ákimshiliginde jumys istegen ýaqytynda, onyń kompaniiasy Tesla-nyń aktsiia baǵasy kúrt tómendegen edi. Alaida ol Aq úiden ketken soń, bul kompaniialardyń aktsiialary qaitadan qymbattady, dep habarlaidy Dalanews.kz.
Forbes jýrnalynyń esepteýinshe, sársenbi kúni birjalyq saýda barysynda Masktyń jalpy aktivteriniń quny qysqa ýaqytqa 500 milliard dollardan asyp, keiin sál tómendep — shamamen 499 milliard dollardyń mańaiynda toqtaǵan.
Qazirgi ýaqytta Tesla kompaniiasynyń naryqtyq kapitalizatsiiasy 1,44 trillion dollardy quraidy.
Maskqa tiesili basqa da kompaniialardyń, sonyń ishinde jasandy intellektke baǵyttalǵan xAI startapynyń jáne ǵarysh salasyndaǵy SpaceX kompaniiasynyń da aktsiialary qymbattap keledi.
