Túrkistan qalasynyń «Iassy» turǵyn alqaby úi jaǵdaiyndaǵy internet jelisimen qamtylýda. Bul sektordyń turǵyndary endi ozyq GPON tehnologiiasynyń arqasynda joǵary jyldamdyqty internetti, tsifrlyq teledidardy jáne joǵary sapaly uialy bailanysty paidalana alady. «Beeline» kompaniiasynyń jańa tehnologiiasy abonentterine qazirdiń ózinde qoljetimdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Qazirgi ýaqytta «Iassy» jáne «Otyrar» turǵyn úi alqaptaryndaǵy jeke sektorlardy joǵary jyldamdyqty internetpen qamtamasyz etý jumystary júrgizilýde. Sondai-aq 2025 jyldyń sońyna deiin Túrkistan qalasynyń barlyq jeke sektorlaryn tolyq qamtý josparlanyp otyr. Qarjylandyrý jekemenshik investorlardyń esebinen júzege asyrylady. Basqarma tarapynan infraqurylym máseleleri boiynsha qoldaý kórsetýge daiynbyz, – deidi Túrkistan oblysynyń tsifrlandyrý, memlekettik qyzmetter kórsetý jáne arhivter basqarmasynyń basshysy Marat Ainabekov.
«Beeline» kompaniiasynyń Túrkistandaǵy tirkelgen bailanys biznesin damytý bóliminiń basshysy Erjan Qoshmahanbetovtyń aitýynsha, GPON tehnologiiasynyń negizgi artyqshylyqtarynyń biri – onyń turaqty derekterdi berý jyldamdyǵy, sondai-aq, syrtqy kedergilerden qorǵalýynda. Sonyń arqasynda internet, tipti, shalǵai eldi mekenderde de jyldam ári birqalypty jumys isteidi. Tehnologiia derekterdi optikalyq talshyq arqyly 1 Gbit/s jyldamdyqpen jiberýge múmkindik beredi.
Aita keteiik, búginde Túrkistanda «Iassy» jáne «Otyrar» turǵyn alqabyndaǵy 8 myńnan astam turǵyny bar 2 myńǵa jýyq úi atalǵan tehnologiiaǵa qosylǵan.
