– IýNESKO-nyń álemdik muralar tizimine engen Qoja Ahmet Iasaýı kesenesine kelýshi árbir adam tarıhı orynnyń arhıtektýrasy men qurylymy, Iasaýı ómiri, handar men bı-sultandar, tarıhı jádigerlermen tanysqysy kelse aýdıogıd qurylǵysynyń kómegine de júgine alady.
Qazirgi tańda aýdıogıd jobasyna keseneniń ishi ǵana engizilse, jaqyn kúnderi qoryq-mýzeıge qarasty mádenı-tarıhı oryndar men arheologıalyq qazba jumystary jaıly málimetter qamtylatyn bolady, – dedi «Áziret Sultan» memlekettik tarıhı-mádenı qoryq-mýzeıiniń dırektory Ahmetjanov Nurbolat Qadyruly.
Alǵashqy joba retinde 10 qurylǵy iske qosyldy. Qoja Ahmet Iasaýı kesenesine kelgen árbir qonaq aýdıogıd qyzmetin tańǵy saǵat 08:00-den keshki 20:00 aralyǵynda 1 saǵat boıy qoldana alady. Atalǵan qyzmet túri – tegin. Tek apparat qoldy bolyp ketpes úshin kesene ishindegi jaýapty qyzmetkerlerge kepil retinde jeke qujat tapsyrylýy tıis.
Teledıdar púlti tárizdi shaǵyn qurylǵydaǵy tarıhı aqparattardy belgili bir sandar rettiligi arqyly tyńdaýǵa bolady, ıaǵnı 1 sany Qoja Ahmet Iasaýıdiń ómiri men muralary bolsa, 2 sany keseneniń salyný tarıhy jáne arhıtektýralyq kelbetine arnalǵan.
Aýdıogıd apparatynyń eń alǵashqy tutynýshysy Fransıadan kelgen Merlın esimdi týrıs jańa qurylǵyny qoldanyp, alǵan áserimen bólisti.
– Aýdıogıd – týrıser úshin óte keremet kómekshi. Sáýlettik kelbeti jaǵynan stıli erekshe ǵımarattyń salyný tarıhy, taıqazan, tarıhı mańyzy bar úlken bólmeler jaıly aqparattar erekshe qyzyqtyrdy. Aýdıogıd qajetti aqparatty ala otyryp, ońasha serýendeýge de óte qolaıly. Qazaqstanǵa jasaǵan saparymnyń barysynda Túrkistandaǵy jańalyqtyń eń alǵashqy qoldanýshysy bolǵanym men úshin tarıhı jaǵdaı, – dedi Merlın.
Aıta ketsek, aýdıogıd jobasy úsh tilde qolǵa alynǵanymen aldaǵy ýaqytta túrik, fransýz, qytaı tilderin de qosý josparlanýda. Sonymen qatar, kózi nashar kóretin jandarǵa da arnap jádigerler sıpattalǵan mátin jáne dybystyq jazýy bar nusqasy engizilmek.
«Áziret Sultan» memlekettik tarıhı-mádenı qoryq-mýzeıi baspasóz qyzmeti
