Atyraýda Iana Legkodımovanyń ólimine qatysty is boıynsha sottalǵan Rızýan Qaıyrjanov pen Altynbek Qatımov apelásıalyq aryz berdi, dep habarlaıdy Dalanews.kz.
Bul týraly "Ne molchı" qorynyń jetekshisi Dına Táńsári áleýmettik jelidegi paraqshasynda jazdy.
"21 qańtarda jábirlenýshi tarap sottalǵan Rızýan men Altynbektiń apelásıalyq aryzyn aldy. Advokattar qujattardy oqyp jatyr", - dedi ol.
Aıta keteıik, 23 jastaǵy Iana Legkodımova 2024 jyly 19 qazanǵa qaraǵan túni óltirilgen. Qyzdyń súıegi segiz aı ótken soń Jaıyq ózeniniń jaǵasynan tabyldy.
20 qazanda polısıaǵa qyzdyń anasynan onyń habar-osharsyz ketkeni jóninde habar túsken. Keıin qos kúdikti sot úkimimen ómir boıyna bas bostandyǵynan aıyryldy.
