اتىراۋدا يانا لەگكوديموۆانىڭ ولىمىنە قاتىستى ءىس بويىنشا سوتتالعان ريزۋان قايىرجانوۆ پەن التىنبەك قاتيموۆ اپەللياسيالىق ارىز بەردى، دەپ حابارلايدى Dalanews.kz.
بۇل تۋرالى "نە مولچي" قورىنىڭ جەتەكشىسى دينا ءتاڭسارى الەۋمەتتىك جەلىدەگى پاراقشاسىندا جازدى.
"21 قاڭتاردا جابىرلەنۋشى تاراپ سوتتالعان ريزۋان مەن التىنبەكتىڭ اپەللياسيالىق ارىزىن الدى. ادۆوكاتتار قۇجاتتاردى وقىپ جاتىر"، - دەدى ول.
ايتا كەتەيىك، 23 جاستاعى يانا لەگكوديموۆا 2024 جىلى 19 قازانعا قاراعان ءتۇنى ولتىرىلگەن. قىزدىڭ سۇيەگى سەگىز اي وتكەن سوڭ جايىق وزەنىنىڭ جاعاسىنان تابىلدى.
20 قازاندا پوليسياعا قىزدىڭ اناسىنان ونىڭ حابار-وشارسىز كەتكەنى جونىندە حابار تۇسكەن. كەيىن قوس كۇدىكتى سوت ۇكىمىمەن ءومىر بويىنا باس بوستاندىعىنان ايىرىلدى.
